ಗುಪ್ತ ಗಾಮಿನಿ ಮನಸು

ಏನು ಇಲ್ಲದ ಊರಿನಲ್ಲಿ

ಯಾರು ಇಲ್ಲದ ಮನೆಯ ಒಳಗೆ 

ಅರ್ಧ ತೂಗುವ ಕುರ್ಚಿ ಮೇಲೆ 

ಏಕಾಂತ ಸವಿಯುತ ಕೂತೆನು | 

ಎಲ್ಲ ಜನರು ಎಲ್ಲಿ ಹೋದರು 

ಬೇಕೆಂದಾಗ ಯಾರೂ ಬರರು 

ನನ್ನ ಒಳಗಡೆ ಎಲ್ಲರು 

ಎಲ್ಲರೊಳಗಡೆ ನಾನು ಯಾರು? |

ಗುಪ್ತ ಗಾಮಿನಿ ಮನಸು ಸುಡುಗಾಡು 

ಮನದ ಕಡಲ ಒಳಗೆ ಮರಳುಗಾಡು

ವಿಷಕಾರುವ ಸಂಸಾರ ಕಾಡು

ಬಿಳಿ ಸರ್ಪಗಳ ಹಾಳು ಬೀಡು |

ಜೊತೆಗಿರುವನೆಂದ ಅವನೆಲ್ಲಿ

ನಾ ರಕ್ತಬಸೆದು ಉಳಿಸಿದ ಇವಳೆಲ್ಲಿ

ಅಲ್ಲಿ ಇಲ್ಲಿ ಮೀರಿ ಎಲ್ಲೆಗಳಲ್ಲಿ

ಯಾರು ಇಲ್ಲದ ಜಗದಲಿ 

ನಾ ಪೈಪೋಟಿ ಮಾಡಿದೆ ನನ್ನಲಿ |

-ಸುರೇಂದ್ರ ನಾಡಿಗ್